Ondado yomahooli tai londo mEtitatu

Minista woikwamina neenghono Modestus Amuste okwa holola kutya eendado domahooli otadi ka londa oshilongo ashishe mEtitatu. 

Amuste okwa ti ondado yomahooli oPetrol 95 otaa ka londa no N$ 1.50 moliitela.

“Omahooli oDiseal oo otaa ka kala ashike pondado yao yoshito,” Amutse ta holola ngaho. 

Amuste okwa yelifa kutya omahooli o petrola okwa londa shaashi ondado ypetrol koilongo oku Namibia ha teke omahooli nayo oya londa neenghono.  

Okwa twikila kutya koilongo oku Namibia ha teke omahooli unene koMiddle East, oku na oita yanyaa kehonga, oyo nokuli vati ya halakanifa po omandiki oo haa tekwa omahooli.

“Natango odola ya Namibia oya kanifa ongushu pokati opo ko US dola, fyee ngeenge twe li hange twa hala omahooli ndele odola oya londa ngaho, nena otu na okukala twa ya lela eenyala moshikefa shoimaliwa tu fye oshisho kutya otwa landa omahooli a wana oshilongo ashishe.

Amuste okwa ti ediladilo lokuwedela opetrola oyo aike oshe shi kutya ohai longifwa kovanhu vahapu.

“Omahangano mahapu osho yo eefakutoli mumwe novashingi voihauto vahapu ohava longifa omahooli o Diesel. 

Ngeenge omahooli otwe a londeke ngaho, ombinga ihapu ya Namibia otai ka mona oixuna,” ta ti.

Minista okwa ti etomeno eli natango ina veli tula ashike moilonga va tala ombinga imwe, ndele natango novalongifi vomahooli opetrol navo ova tulwa moilonga lela. 

Ta ti eshi osho va wedelwa ko ashike kanini ngaho inava etwa po unene.

Minista okwa yelifila oshiwana kutya oshilongo oshi na omahooli a wana nawa. Ta ti ina shi pumbwa okukala sha mbadapala unene ngeenge tashi ya komahooli. 

“Natango oha tu kala yo twa fya oshisho shokutala eendado domahooli kondje yoilongo ngeenge tadi shuna pedu, tu fye oshisho shokuninga omalunduluko meendado domahooli,” Minista ta holola ngaho.  

–taimihaihambo2000@gmail.com

The post Ondado yomahooli tai londo mEtitatu appeared first on New Era.