Dj Innocent ta mwenyeke oshiwana

Hambeleleni Daniel

Angula Fillemon, nedina la shivika nawa DJ Innocent omukalimo womEenanha okwa ti okuhole okudana eengalo poivilo yomalihafifo molwaashi oku na ounongo nohokwe yokuhafifa ovanhu neengalo.

Innocent okwa ti ngeenge owa hange ta dana eengalo, omunhu keshe oku ye ashike a kala a hala okutala nohava kala tave li nyenge ve udite ombili.

Okwa holola kutya okwa tameka okulonga oilonga yo u DJ mo 2021 molwaashi okuhole unene eengalo.

“Onda tameka pefimbo ndili kosekundefikola kOmuthiya fiku olo mofikola yetu okwa li nokuli mu na omalandifo” Innocent ta ti.

Innocent okwa ti nonande eli omunafikola koshiputundilo sha NUST, eshi itashi mu imbi okutulaoshitalendi shaye komesho.

Okwa ti oku li unene a tuwa omukumo ku ‘DJ Kabza De Small’ oo eli a dana eengalo odo da shiivika nawa kovanyasha onga ‘amapiano.’

Innocent okwa ti elalakano linene okuxumifa onghalamwenyo yaye komesho mokupitila moshitalendi shaye osho ena.

“Okukala ndili DJ ohashi kwafele nge oku eta omboloto poshitaafula” Dj ta ti.

Okwa ti natango oku li a taalela omashongo ngaashi okukala ehe na apa a ufanwa aka longe.

Ta ti omanga ina ya keenhele oko a ifwanwa aka mwenyeke, tete oku na okukala a uda ko kutya oshi li lela kombinga yashike osho yo ou teshi kwatele komesho. 

Okwa ti okutala moNamibia, oshikondo shomalihafifo, eengalo naikwao ya pamba omalihafifo otai xumu komesho. Nopaife oku li ha longele kumwe ne Dj dikwao.

Okwa kumaida ovanyasha opo va kale vena ohokwe mokukala ODj, va kale ve na omikalo nelongelo kumwe.

–hambelelenindaniel56@gmail.com

The post Dj Innocent ta mwenyeke oshiwana appeared first on New Era.