!Gontes okwa li omuhanganifi– Nandi-Ndaitwah
Presidente Netumbo Nandi-Ndaitwah okwa hokolola omuunganeki woSwapo koHardap, nakufya Joplin !Gontes, kutya okwa li omuhanganifi nokwa li omuleli e yadi ohole oo kwa li a itavela mokuyambula po vakwao noku va fimaneka. Eshi kwa li ta popi pepako laye mOvenduka Olomakaya, Nandi-Ndaitwah okwa ti ongushu ya!Gontes nai twikile okuwilika Ovanamibia nokondje yopolitika. “Efyo laye itali […] The post !Gontes okwa li omuhanganifi– Nandi-Ndaitwah appeared first on The Namibian.
Black News 
Presidente Netumbo Nandi-Ndaitwah okwa hokolola omuunganeki woSwapo koHardap, nakufya Joplin !Gontes, kutya okwa li omuhanganifi nokwa li omuleli e yadi ohole oo kwa li a itavela mokuyambula po vakwao noku va fimaneka.
Eshi kwa li ta popi pepako laye mOvenduka Olomakaya, Nandi-Ndaitwah okwa ti ongushu ya!Gontes nai twikile okuwilika Ovanamibia nokondje yopolitika.
“Efyo laye itali tu dimbukifa ashike ouxupi wonghalamwenyo, ashike otali tu dimbulukifa yoo vali oshinakuwanifa shokuyakulafana nombili, nohole nonelitulemo, osho yee a kala nokuninga mokukalamwenyo kwaye,” osho a ti ngaho.
Presidente okwa ti !Gontes okwa li e shiivike nawa kutya omunhu wovanhu, e na ohole nelitulemo mokuyakula oshiwana, unene pomafimbo adjuu papolitika moshitopolwahoololo shaHardap.
“Ovo kwa li ve shii hailwa !Gontes ove shii yoo kutya omukainhu omutili Kalunga. Nomoshiwana, luhapu oha yandje oitya yeitavelo, etwomukumo, neendjovo odo tadi holola osho kwa li a itavela.
“Ondjovo imwe oyo kwa li e hole luhapu ya dja membo laJohn tai ti: ‘Ou womunye ehe na etimba ne mu kupule tete nemanya’,” osho a ti ngaho.
Nandi-Ndaitwah okwa ti onghalamwenyo ya!Gontes okwa li i hadi omayakulo, ohole, omukumo nelitulemo kuhe na vali melongelokumwe, emanguluko, ouyuki nokuxwepopeka oshiwana.
Okwa li a itavela moukumwe oo wa li wa umbata oshiwana shetu pefimbo lekondjelo manguluko, nosho yoo mefimano loukumwe oo tuu ou, eshi hatu kondjifa ondodo onhivali yekondjelo manguluko lopaliko neyokomesho, osho a ti ngaho.
“Luhapu okukanifa omwenyo womunyasha ngaho ohaku tu fiile omapulo nomitima tadi anye okwiitavela. Kashipu nandenande okuuda ko efyo lomunandjungu, e na elitulemo nokwa ku ma eemwenyo dihapu mokukalamwenyo kwa ye,” Nandi-Ndaitwah osho a ti ngaho.
!Gontes okwa xulifile momafiku 04 Mei konima youheame wefimbo lixupi.
The post !Gontes okwa li omuhanganifi– Nandi-Ndaitwah appeared first on The Namibian.
