Noa ota pula oshiwanashi kufe ombinga mokulwifa oulingilingi
Omukulunhuwiliki wokomisi yokulwifa oulingilingi yedina Anti-Corruption Commission (ACC), Paulus Noa, okwa pula oshiwana shi kufe ombinga moyoongalele yeenghundafana oyo tai ya, tai lalakanene okuduta po nokuyambula po omulandufaneko wokomisi. Noa okwa li ta popi kOtjiwarongo Omaandaxa pefimbo lepatululo loshoongalele, osho kwa li sha holoka ovanambelewa vakula veeministili, ovanandjungu, ovakalelipo veengeleka, omalelo eedoolopa neekamusela doitopolwahoololo nomalelo […] The post Noa ota pula oshiwanashi kufe ombinga mokulwifa oulingilingi appeared first on The Namibian.
Black News 
Omukulunhuwiliki wokomisi yokulwifa oulingilingi yedina Anti-Corruption Commission (ACC), Paulus Noa, okwa pula oshiwana shi kufe ombinga moyoongalele yeenghundafana oyo tai ya, tai lalakanene okuduta po nokuyambula po omulandufaneko wokomisi.
Noa okwa li ta popi kOtjiwarongo Omaandaxa pefimbo lepatululo loshoongalele, osho kwa li sha holoka ovanambelewa vakula veeministili, ovanandjungu, ovakalelipo veengeleka, omalelo eedoolopa neekamusela doitopolwahoololo nomalelo eedoolopa.
Okwa indila ovakufimbinga vaha dimbwe kutya okukelela oulingilingi okupitila mokulopota oiningwanima inai yuka, oo omukalo uwa wokwaamena omaliko opashiwana.
Noa okwa ti okuungaunga noiningwanima youlingilingi konima ya ningwa nale otashi ti omaliko aa vakwa po nale notashi dulika a kale adjuu okwaalula.
“Otashi dulika yoo nokuli okomisi i longife oimaliwa ihapu, ya koyelela nande opwaayo ya vakwa po mokulwifa nokukonakona oshipofa shonhumba,” osho a ti ngaho.
Okwa weda po kutya omahangano moshilongo naa tote po omilandu domeni dokukelela oulingilingi, ponhele yokukala a teelela okomisi yokulwifa oulingilingi i kufe ombinga.
Noa okwa popya kutya omulandufaneko wotete wokomisi okwa li wa totwa momudo 2016 ndee tau kala nokuwilika oilonga yokomisi fiyo omomudo 2021, omanga omulandufaneko omutivali wa kwatela komesho oilonga yomudo 2021 fiyo 2025.
“Omulandufaneko wokomisi yokulwifa oimbuluma wa shikula ko otau ka tameka neudo fiyo omomudo 2030, notau ka kwatela mo omilandu dopashiwana nomulandu wokomisi,” osho a ti ngaho.
Okwa popya kutya oshiwana nashi kufe ombinga meyambulepo lomulandufaneko wopashiwana wokomisi omutitatu, ta yeleke yo kutya ekufombinga okudja pondodo yopetameko ola fimana.
Noa okwa ti pefimbo loyoongalele yeenghundafana oyo tai ya, otaku ka ningwa engongo kombinga yeduto lomulandu wopashiwana wokomisi nomulandufaneko womudo 2026 fiyo 2030, nosho yo kombinga yomilandu dopashiwana nomulandu wokomisi yokulwifa oulingilingi.
Oshiwana osha teelelika shi kufe ombinga.
Ngoloneya waTjozondjupa, John //Khamuseb nomunambelewa akula mupe wopashitopolwahoololo, Gerson Karaerua navo okwa li va holoka koshoongalele mOtjiwarongo.
– NAMPA
The post Noa ota pula oshiwanashi kufe ombinga mokulwifa oulingilingi appeared first on The Namibian.
