Oiponga yomeepate onghee ngaa tai twikile moshilongo
Opolifi moshitopolwahoololo shaZambezi oya patulula oshipofa shedipayo lihe fi loshiningilewina konima omulumenhu a xulifa moshiponga shohauto ongula yOshoondaxa. Oshiponga osha ningilwa mondjila yoB8 Ngoma moshitopolwa shaMpyuu moshikandjohoololo shaKabbe North. She likolelela kolopota yopolifi, nakufya, Sanzila Nyambe, okwa li ta di koNgoma a yuka koKatima Mulilo a umbata ovanhu vavali eshi ohauto vati ye lidenga mongobe […] The post Oiponga yomeepate onghee ngaa tai twikile moshilongo appeared first on The Namibian.
Black News 
Opolifi moshitopolwahoololo shaZambezi oya patulula oshipofa shedipayo lihe fi loshiningilewina konima omulumenhu a xulifa moshiponga shohauto ongula yOshoondaxa.
Oshiponga osha ningilwa mondjila yoB8 Ngoma moshitopolwa shaMpyuu moshikandjohoololo shaKabbe North.
She likolelela kolopota yopolifi, nakufya, Sanzila Nyambe, okwa li ta di koNgoma a yuka koKatima Mulilo a umbata ovanhu vavali eshi ohauto vati ye lidenga mongobe manga inai ke li denga momufyati.
Nyambe, okwa xulifila poshiponga novakwapata vaye ova shiivifilwa efyo laye.
Ovatwaalelwa, Benjamin Muhinda (33) naNalisa Dinah (26), okwa li va twalwa koshipangelo koKatima Mulilo koMotor Vehicle Accident Fund.
Muhinda okwa mona oshiponga kashona noku li monghalo tai nuwa omeva, omanga Dinah a mona oshiponga lela.
Olutu lanakufya okwa li la twalwa kokila yoshipangelo shaKatima Mulilo, li ka konakonwe.
Omakonakono opolifi otaa twikile.
Moshiningwanima sha yooloka, omulumenhu (18) okwa li a teelelika a holoke momhangu yamangestrata moKatima Mulilo onghela, konima kwa li a mangwa po mondjila yoB8 Trans-Zambezi Highway Etinano lwopotundi 21h00 eshi vati kwa li ta shingi ehe na omukanda, yee oku li koshi yodungo.
Omulumenhu umwe (27) okwa li yo a mangwa po Etitano eshi naye a hangika ta shingi mopate yoshiwana ehe na omukanda yee naye oku li koshi yodungo.
Natango, opolifi oya shangifa oshipofa shekwatombabyona nomahepeko konima ovatamanekwa vatatu vati va dopa okutula omutwaalelwa womulumenhu (48) ponhele opo a ti ota tulwa Etitano.
Oshiningwanima vati osha ningwa pokati kotundi 19h45 no21h00 popepi noHainyeko Combined School molukanda loCowboy.
Otaku tiwa vati ovatamanekwa ova anya okutula nakutula mo oshipofa ponhele opo va udafana, tave mu twala konhele ya yooloka, tave mu nane mo motuwa ndee tave mu ponokele.
Omakonakono opolifi otaa twikile.
The post Oiponga yomeepate onghee ngaa tai twikile moshilongo appeared first on The Namibian.
