Ominyeka nomadipayo a shuna pedu moWindhoek
Oiningwanma yomadipayo moWindhoek oya shuna pedu neepelesenda 14 meemwedi nhee dopetameko lomudo 2026. Mayola waWindhoek Sakarias Uunona eshi okwe shi holola Etine pefimbo loshoongalele oshititano shonguduwiliki yoshilando. Uunona okwa ti omivalu doimbuluma da didilikwa pokati kefiku lotete laJanuali nomafiku 31 Mei oda holola eyokomesho liwa meenghendabala dokuxwepopeka eamano moshilando. Okwa ti oiningwanima yeenghendabala domadipayo oya […] The post Ominyeka nomadipayo a shuna pedu moWindhoek appeared first on The Namibian.
Black News 
Oiningwanma yomadipayo moWindhoek oya shuna pedu neepelesenda 14 meemwedi nhee dopetameko lomudo 2026.
Mayola waWindhoek Sakarias Uunona eshi okwe shi holola Etine pefimbo loshoongalele oshititano shonguduwiliki yoshilando.
Uunona okwa ti omivalu doimbuluma da didilikwa pokati kefiku lotete laJanuali nomafiku 31 Mei oda holola eyokomesho liwa meenghendabala dokuxwepopeka eamano moshilando.
Okwa ti oiningwanima yeenghendabala domadipayo oya shuna pedu neepelesenda 10, ominyeka oneepelesenda 22, oumbudi oneepelesenda 7, omateyo omaumbo oneepelesenda 27 nomateyo eengeshefa nopelesenda imwe okuyelakanifa nefimbo olo tuu eli la tumbulwa lomudo wa dja ko.
Uunona okwa ti omahongo kombinga yeameno oo a eta omateyo omaumbo a shonopale neenghono, eengudu dovapolifi vomomalukanda da nuka po nelongifo loutekinika okupitila momulandu weameno woshilando.
Uunona okwa ti natango opu na ngaa omateyo, luhapu shaashi omatungo ohaa fiwa ehe na ovanhu ile omilandu deameno inadi nuka po.
Okwa weda po kutya oumbudi noipofa yominyeka natango otai lopotwa, osho tashi pula ovakalimo va kale va tonata.
Nande oimbuluma ya shonopala, Uunona okwa ti oumbudi woyeendifo owa ya pombada neepelesenda 4, unene ngaa shaashi ovanhu ohava fiye oinima yongushu i li koluheela moyeendifo.
Ominyeka da homhata oda ya pombada neepelesenda 10, noiningwanima ihapu ohai ningilwa koikololo, unene ngaa oufiku.
Okwa ti oipofa yomahepeko nelalakano lokweehameka nayo oya ya pombada neepelesenda 19.
Uunona okwa kwatakanifa elongifo lomalodu nai, omahepeko omomaumbo noimbuluma yopaukakwashikekookanhu.
“Oshinima eshi otashi holola kutya eameno loshiwana ola pumbwa onghatu ya nuka po noyelongelokumwe,” osho a ti ngaho.
The post Ominyeka nomadipayo a shuna pedu moWindhoek appeared first on The Namibian.
