Omulumenhu a ditikwa eshi a dipaya inakulu
Omukainhu (83) okwa dipawa nokamati (4) oka monifwa oshiponga neenghono pefimbo vati va ponokelwa komukunda Ondiyamande moshitopolwahoololo shaShana Etitano. Omutamanekwa, omutekulu womukainhu ou, okwa li a mangwa po Olomakaya nokwa li a teelelika a holoke momhangu yamangestrata onghela. She likolelela kopolifi, oshiningwanima osha ningwa manga omukulupe nokaana kwa li va nangala meumbo lavo. Omupopiliko wopolifi […] The post Omulumenhu a ditikwa eshi a dipaya inakulu appeared first on The Namibian.
Black News 
Omukainhu (83) okwa dipawa nokamati (4) oka monifwa oshiponga neenghono pefimbo vati va ponokelwa komukunda Ondiyamande moshitopolwahoololo shaShana Etitano.
Omutamanekwa, omutekulu womukainhu ou, okwa li a mangwa po Olomakaya nokwa li a teelelika a holoke momhangu yamangestrata onghela.
She likolelela kopolifi, oshiningwanima osha ningwa manga omukulupe nokaana kwa li va nangala meumbo lavo.
Omupopiliko wopolifi wopashiwana omupedu komisina Kauana Shikwambi, Oshoondaxa okwa ti omutamanekwa (30) vati okwa kondjifa opo a ye meumbo manga ina ponokela oonakuningwa oihakanwa.
“Otaku tiwa vati omutamanekwa okwe ya meumbo manga nakufya nokaana kwa li va kofa. Okwa tatula mo ekende londuda, ta i mo ndee te va ningile omahepeko,” Shikwambi ta ti.
Omukulupe okwa xulifa molwoshiponga osho a mona eshi a ponokelwa, omanga okaana ka xupa.
Omutamanekwa vati okwa dengela omonamati wanakufya konima yoshiningwanima ndee te mu lombwele kombinga yoshiningwanima, Shikwambi ta ti.
Osheetifi sheponokelo kashi shiivike natango nomakonakono opolifi otaa twikile, osho a ti ngaho.
Moshiningwanima sha yooloka, ounona vavali voumati vokomukunda Mavanza moshitopolwahoololo shaKavango Ushilo ova mona oshiponga omutenya wOshoondaxa konima oshitopifa shihe shiivike she va topela manga kwa li vati tava danauka naasho popepi nokamba yovakwaita.
Oshiningwanima osha ningwa lwopotundi 17H00, omukulunhu woshikondo shomakonakono oimbuluma koshitopolwahoololo oko, omupedu komisina Bonifatius Kanyetu ta ti.
Kanyetu okwa ti ounona okwa li va twalwa koshipangelo koRundu va ka mone omayakulo opaunamiti.
She likolelela kuKanyetu, ounona “okwa li tava danauka noshitopifa shihe shiivike ve shi kufa pomudingonoko wokamba yovakwaita i li momukunda wavo”.
Ounona ovo va mona oshiponga ovo Josef Ndumba (14), oo a mona oshiponga kokaoko naTende Rayne (13), oo a mona oshiponga neenghono medimo nokomaulu.
Opolifi oya ti ounona otava mono ouhaku koshipangelo nove li monghalo ihe li nawa ashike itai lunduluka.
Kanyetu natango okwa popya kutya ounona aveshe ohava di meumbo limwe.
Omakonakono opolifi moshiningwanima otaa twikile.
Kanyetu tai indila yoo ovakalimo ovo ve li popepi neekamba dovakwaita opo vaha kwate oinima vehe i shii meenhele omo.
“Opolifi otai pula oshiwana shetu osho shi li momudingonoko wokamba yetu yovakwaita shiha kume oinima shihe i shii oyo tashi hange meenhele omo, ashike nashi lopote koshitaashi shopolifi shi li popepi opo oiningwanima ei ihe liendulule,” osho a ti ngaho.
Natango opolifi oya didilika kutya eshi oshikando oshitivali oshiningwanima sholudi eli tashi lopotwa momudingonoko omo.
“Oshitopifa shotete hewa inashi topa nokakwa li mwa kwatelwa ounona,” Kanyetu ta ti.
The post Omulumenhu a ditikwa eshi a dipaya inakulu appeared first on The Namibian.
