Oukwatya wetu ongOvanamibianau kale nokupangela – Ngurare
Omuprima minista Elijah Ngurare okwa pula oukumwe wopashiwana pefimbo letyapulo lomido 36 demanguluko kOshakati moshitopolwahoololo shaShana Olomakaya. Moshipopiwa shaye, Ngurare okwa ti oukumwe oshinima sha fimana meyokomesho loshilongo. Okwa indila ovakwashiwana opo va efe omatopauko opapolitika ndee tava tambula ko oukwatya wopashiwana waaveshe, ta ti Efiku lEmanguluko olovakwashiwana aveshe kutya nee ove na omaitavelo a […] The post Oukwatya wetu ongOvanamibianau kale nokupangela – Ngurare appeared first on The Namibian.
Black News 
Omuprima minista Elijah Ngurare okwa pula oukumwe wopashiwana pefimbo letyapulo lomido 36 demanguluko kOshakati moshitopolwahoololo shaShana Olomakaya.
Moshipopiwa shaye, Ngurare okwa ti oukumwe oshinima sha fimana meyokomesho loshilongo.
Okwa indila ovakwashiwana opo va efe omatopauko opapolitika ndee tava tambula ko oukwatya wopashiwana waaveshe, ta ti Efiku lEmanguluko olovakwashiwana aveshe kutya nee ove na omaitavelo a tya ngahelipi.
“Nande otashi dulika tu na omaliudo opapolitika nomaitavelo a yooloka, oukwatya wetu ongOvanamibia nau kale alushe nokupangela ponhele yomayooloko etu. Mefiku eli, otwe ya pamwe ongovanhu vamwe.
Efiku eli olOvanamibia aveshe,” osho a ti ngaho.
Edimbuluko lomido 36 demanguluko ola eta ovaleli pamwe novakwashiwana okudja moshitopolwahoololo ashishe shaShana, osho a ti kutya osha nghonopeka kutya oukumwe wopashiwana natango owa fimana meyokomesho loshilongo tali twikile.
Okwa halela ovaleli okudja keengudu dopolitika da yooloka efiku liwa lemanguluko, te va indile va fimaneke oukumwe wopashiwana ponhele yoinima i li olwaamambinga.
“Ongovanapaliamente, omu li ovaleli vopashiwana voshilongo shetu. Natu dimbulukeni efiku eli moukumwe,” osho a ti ngaho.
Koshivilo oku, okwa yandja efimaneko kovakondjeli manguluko ndee ta tambula ko onghandangala yoshiwana, elelo lopashitopolwahoololo novanyasha mokuyukililifa onakwiiwa yoshilongo.
Ngurare okwa ti efiku olo inali kala ashike edimbuluko lonakudiwa, ashike nali kale yoo edimbulukifo kutya oukumwe natango owa fimana mokuungaunga nomikundu dopaife nokuxwaxwameka omayambukepo opashiwana.
“Natu lipake mo vali moilonga yokutunga oshiwana shetu oyo inai pwa,” osho a ti ngaho.
Oshivilo okwa li tashi dimbuluka omido di dule pomilongo nhatu demanguluko loshilongo.
Namibia okwa mona emanguluko momudo 1990.
The post Oukwatya wetu ongOvanamibianau kale nokupangela – Ngurare appeared first on The Namibian.
