Ovalumenhu vatano ve likufa eemwenyo mexuliloshivike
Opolifi oya didilika oiningwanima yomalikufo eemwenyo i li itano oshilongo ashishe mexuliloshivike, ya kwatela mo ovalumenhu vatano. Oshiningwanima shimwe, she likolelela kolopota yopolifi yOshoondaxa, osha kwatela mo Gabriel Jordaan (65) koUsakos moshitopolwahoololo shErongo, oo taku tiwa okwe liyasha monhulo meumbo Etitano ongula, pokati kotundi 06h00 no10h00. Nakufya nomukulukadi waye ova li meenduda da yooloka pefimbo […] The post Ovalumenhu vatano ve likufa eemwenyo mexuliloshivike appeared first on The Namibian.
Black News 
Opolifi oya didilika oiningwanima yomalikufo eemwenyo i li itano oshilongo ashishe mexuliloshivike, ya kwatela mo ovalumenhu vatano.
Oshiningwanima shimwe, she likolelela kolopota yopolifi yOshoondaxa, osha kwatela mo Gabriel Jordaan (65) koUsakos moshitopolwahoololo shErongo, oo taku tiwa okwe liyasha monhulo meumbo Etitano ongula, pokati kotundi 06h00 no10h00.
Nakufya nomukulukadi waye ova li meenduda da yooloka pefimbo loshiningwanima.
Olutu laye okwa li la twalwa kokila yoshipangelo shaUsakos konima kwa kolekwa kutya okwa xulifa.
Komukunda Ongali moshikandjohoololo Ogongo moshitopolwahoololo shaMusati, laGabriel Nakale Joshua (28), okwa li vati a hangika e likufa omwenyo kumeme waye ongula yakula Oshoondaxa.
Olutu okwa li la twalwa kokila yopolifi kOkahao li ka konakonwe, novashiivikile ova shiivifilwa.
Komukunda Onamutai moshitopolwahoololo shaShana, omulumenhu (28) Bernardo Shatipamba Hipangelwa okwa hangika vati a endjelela momuti ongula yOlomakaya.
Okwa li vati tava tanguna nomushiinda, kombinga yeengobe da lya oilya.
Otaku tiwa vati eengobe odo kwa li ta lifa oda lya po oilya yamushiinda, oo a shikula omakondo ado fiyo okeumbo lanakuningwa oshihakanwa opo va ka kundafane kombinga yoshikumungu eshi, ashike kali mo monduda.
Omushiinda okwa shikula eemhadi daye ndee ta hange nakufya a endjelela momuti, olopota osho ya ti ngaho.
Ina fiya po nande omukanda wa sha.
Moshiningwanima sha yooloka, okwa lopotwa omulumenhu womido 29 e likufa omwenyo koshitaashi shopolifi shaKatuturanolutu laye okwa li la hangika moixwa konima yoshiputundilo shaUnam shounamiti moKhomasdal.
Okwa dimbulukiwa kutya oye Monalito Kurtz. Otaku tiwa vati nakufya okwa li a kana Etivali.
Ina fiya po nande omukanda wa sha tau popi etomeno lokulikufa omwenyo, novakwapata vaye ova shiivifilwa nale.
Natango, kOutjo moshitopolwahoololo shaKunene, opolifi otai konakona oshipofa shelikufomwenyo laNambinga Tosh (43), oo olutu laye kwa li la hangika meumbo laye kolukanda ledina Etoshapoort Olomakaya.
Inapa hangika nande okambapila ka sha taka popi etomeno le likufomwenyo, noka pu na nande oshinima inashi yela nawa tashi feekelwa.
“Ofamili yanakufya okwa li ya hangika poshiningwanima novanambelewa ova shiivifa efyo laye,” osho ya ti ngaho.
Omakonakono opolifi otaa twikile moiningwanima ei aishe.
-NAMPA
The post Ovalumenhu vatano ve likufa eemwenyo mexuliloshivike appeared first on The Namibian.
![‘Authenticity Is The New Flex’ — Meet CEO Michele Y. Smith, The Black Woman Bringing Real Culture To MoPOP [Exclusive]](https://madamenoire.com/wp-content/uploads/sites/9/2026/04/17770457888798.jpg?quality=80&strip=all&w=1024&crop=0,0,100,683px#)
