Ovanailonga vepangelo inava panda omikweyo domoipangelo yepangelo
Ovo hava longifa oukalata vomayakulo opaundjolowele vepangelo natango otava twikile nokulongifa omayakulo opaunamiti opaumwene. Eshi osha etwa kokuteelela efimbo lile momikweyo neemhito dokumona ovanawino da ngabekwa moipangelo yepangelo, omapekapeko ape osho a holola ngaho. Oidjemo, ya pitifwa kouministili woundjolowele nomayakulo opanghalafano, ye likolelela komanyamukulo ovanhu ve li 2 949 ovo va pulwaapula pokati komafiku 03 […] The post Ovanailonga vepangelo inava panda omikweyo domoipangelo yepangelo appeared first on The Namibian.
Black News 
Ovo hava longifa oukalata vomayakulo opaundjolowele vepangelo natango otava twikile nokulongifa omayakulo opaunamiti opaumwene.
Eshi osha etwa kokuteelela efimbo lile momikweyo neemhito dokumona ovanawino da ngabekwa moipangelo yepangelo, omapekapeko ape osho a holola ngaho.
Oidjemo, ya pitifwa kouministili woundjolowele nomayakulo opanghalafano, ye likolelela komanyamukulo ovanhu ve li 2 949 ovo va pulwaapula pokati komafiku 03 fiyo 11 Maalisa.
Eepelesenda di li lwopo60 dovanhu ovo va kufa ombinga, oda popya kutya etomeno lokuya koipangelo yopaumwene, omikweyo dixupi novanawino ovo alushe opo ve li va yambidude ovayakulwa.
Ashike nomayakulo omakonakono okwa li yoo a tumbulwa kutya ee li amwe omomatomeno ovanhu va panda omayakulo opaunamiti koipangelo yopaumwene.
Nande opu na elunduluko eli, oipangelo yepangelo natango oi li ya fimana unene mokuyandja omayakulo.
Eepelesenda di dulife po40 dovanhu ovo va kufa ombinga oda ti oda hoolola oshipangelo shoWindhoel Central, tava yeleke kutya oipangelo ihapu yepangelo omo ye likolelela.
Omapekapeko okwa holola kutya oikwafifo oyo unene oupyakadi wakula moipangelo yepangelo.
Eepelesenda di lwopo44.3 dovakufimbinga oda ti omatungo noikwafifo yopamufika otai wedele elineekelo lavo moipangelo yepangelo, omanga eepelesenda di li o-27.8 tadi pula oipangelo yepangelo i kale i na ovanawino va wana.
Ovakufimbinga natango ova tumbula yoo omalimbililo kombinga yekalelepo loinima nomufika womayakulo, tava pula ewiliko lakola nefimbo lokuyandja omayakulo la yela.
Efimbo lokuteelela oli li omukundu wakula.
Ovanhu ve dulife petata ovo va ningilwa omapulaapulo ova ti ova hala okuyakulwa moule wominute o-30, omanga eepelesenda di li o-37.8 da popya kutya otadi lididimikile efimbo lokuteelela li fike povili.
Omapekapeko natango aa holola ohokwe yokulongifa omayakulo opaundjolowele opamalungula, eepelesenda di li o-43 dovakufimbinga oda ghala okulongifa omayakulo a tya ngaha moinima ei inai nyika unene oshiponga, nande ovanhu vahapu natango kave na naana kutya nava ninge ngahelipi.
Oministili oya ti oidjemo otai ka longifwa okuwilika omalunduluki, okuxwepopeka eyandjo lomayakulo nokufitika eemwaka moshikondo shomayakulo opaundjolowele.
The post Ovanailonga vepangelo inava panda omikweyo domoipangelo yepangelo appeared first on The Namibian.
