Umwe a monifwa oshiponga nopena
Omulumenhu (37) oku li monghalo itai nuwa omeva konima a tuwa mofingo nopena pefimbo kwa li tava tanguna mOtavi Oshoondaxa, omupopiliko wopolifi wopashiwana komisina Kauna Shikwambi ta ti. “Omutamanekwa, oo kwa li tete a faduka po, okwa li a mangwa po konima yefimbo noku li modolongo mOtavi paife,” Shikwambi ta ti. “Kaku shiivike natango kutya […] The post Umwe a monifwa oshiponga nopena appeared first on The Namibian.
Black News 
Omulumenhu (37) oku li monghalo itai nuwa omeva konima a tuwa mofingo nopena pefimbo kwa li tava tanguna mOtavi Oshoondaxa, omupopiliko wopolifi wopashiwana komisina Kauna Shikwambi ta ti.
“Omutamanekwa, oo kwa li tete a faduka po, okwa li a mangwa po konima yefimbo noku li modolongo mOtavi paife,” Shikwambi ta ti.
“Kaku shiivike natango kutya osho sha etifa oshiningwanima eshi oshikwashike. Omakonakono opolifi otaa twikile moshikumungu omu,” Shikwambi ta ti.
Moshiningwanima sha yooloka oshipofa shekwatongonga sha kwatela mo okakadona komido nhano okwa li sha lopotwa kEenhana.
Omutamanekwa, oo Shikwambi a ti omulumenhu Omunamibia, okwa mangwa po.
Opolifi oya didilika yoo oiningwanima yakula moshilongo mexuliloshivike.
Oingwanima ei oya kwatela mo omalikufo eemwenyo noumbudi woimuna, Shikwambi osho a ti ngaho molopota yoimbuluma Oshoondaxa.
Omulumenhu (24) kOmbaye okwa li a hangika a xulifa kefuta popepi nondjete yomahooli ongula yEtitano. Otaku feekelwa kutya okwe likufa omwenyo.
“Kapu na nande oshinima sha fa inashi yela nawa tashi feekelwa.,” Shikwambi ta ti.
Oiningwanima ikwao yomalikufo eemwenyo okwa li yoo vali ya lopotwa Olomakaya, osho a ti ngaho.
Moshitopolwahoololo shaHangwena mEpembe, omukainhu (43), Anna Hailonga, okwe likufa omwenyo Olomakaya, omanga mOvenduka, omulumenhu (48) naye a lopotwa e likufa omwenyo.
Omulumenhu oye Kamkuemah Abisai Tutaleni.
Moshiningwanima shikwao, omulumenhu (57) okwa xulifa Etitano konima a kwatwa kodula manga kwa li ta ende nomonakadona.
The post Umwe a monifwa oshiponga nopena appeared first on The Namibian.
