Eeproyeka di dulife po500 moministili yehongo odi li metifa
Oministili yehongo, omaduto oinima ipe, ovanyasha, omaudano, omaunghulungu nomifyuululwakalo oi na eeporoyeka dakula di li 508 di li metifa moitopolwahoololo aishe i li 14. Eshi okwa li sha shiivifwa Etine komupedu minista Dino Ballotti, oo a yandja olopota kombinga yeeproyeka doministili pefimbo lomutumba wopashiwana. “Kombinga yeeproyeka dihapu, opu na imwe i li kErongo, hamano koKavango […] The post Eeproyeka di dulife po500 moministili yehongo odi li metifa appeared first on The Namibian.
Black News 
Oministili yehongo, omaduto oinima ipe, ovanyasha, omaudano, omaunghulungu nomifyuululwakalo oi na eeporoyeka dakula di li 508 di li metifa moitopolwahoololo aishe i li 14.
Eshi okwa li sha shiivifwa Etine komupedu minista Dino Ballotti, oo a yandja olopota kombinga yeeproyeka doministili pefimbo lomutumba wopashiwana.
“Kombinga yeeproyeka dihapu, opu na imwe i li kErongo, hamano koKavango Ushilo, mbali moKhomas naimwe moZambezi nOtjozondjupa.
Eeproyeka edi odi li 508 dakula moitopolwahoololo aishe i li 14 momudo ou woshimaliwa,” osho a ti ngaho.
Oministili okwa li ya pewa omutengenekwafaneko weebiliyona di li N$24 momudo woshimaliwa 2025/26 tau xulu muMarsa.
Ballotti okwa ti paife opu na eeproyeka dakula di li 29 di li metifa, moitopolwahoololo imwe omu na imwe omangha omo mu na dihapu mu na nhatu ngaashi mo//Kharas, Erongo, Kavango Uninginino, Khomas nOhangwena.
Okwa holola kutya opu na eengulu dofikola di li 300 tadi tungwa, odo dihapu tadi tungwa mOhangwena, taku landula Otjozondjupa nErongo.
Natango, eengulu dofikola dondodo yopetameko di li 168 moitopolwahoololo aishe i li 14 otadi tungwa, keshe moshitopolwahoololo tamu tungwa di li 14 ngee odihapu ile omulongo ngee odishona.
“Ohatu twikile nokutula moilonga efaneko letu lopashiwana lokushonopeka omwaalu wounona meengulu dofikola, hatu kwashilipaleke kutya eefikola nomidingonoko odo di hadi unene oda pewa omauwa tete,” Ballotti osho a ti ngaho.
Ashike nee, eyokomesho otali ende kashona meeproyeka nhatu: Mix Primary School moKhomas, Tubusis Primary School mOshikoto, osho a weda po ngaho.
The post Eeproyeka di dulife po500 moministili yehongo odi li metifa appeared first on The Namibian.
