Mo||Kharas noHardap kamu na eemungulilo dohonde
Oshilyo shopaliamente shongudu yoPopular Democratic Movement Winnie Moongo okwa ti moshitopolwahoololo sha||Kharas noHardap kamu na eemungulilo dohonde. Oshinima eshi okwe shi holola momutumba wopashiwana Etitatu manga kwa li ta pula minista woundjolowele nomayakulo opanghalafano Esperance Luvindao omapulo. “Moshitopolwahoololo sha||Kharas noHaradap kamu na eemungulilo dohonde. Ndee eyandjo lohonde ola pumba moipangelo yomoitopolwa omo, osho sha eta […] The post Mo||Kharas noHardap kamu na eemungulilo dohonde appeared first on The Namibian.
Black News 
Oshilyo shopaliamente shongudu yoPopular Democratic Movement Winnie Moongo okwa ti moshitopolwahoololo sha||Kharas noHardap kamu na eemungulilo dohonde.
Oshinima eshi okwe shi holola momutumba wopashiwana Etitatu manga kwa li ta pula minista woundjolowele nomayakulo opanghalafano Esperance Luvindao omapulo.
“Moshitopolwahoololo sha||Kharas noHaradap kamu na eemungulilo dohonde. Ndee eyandjo lohonde ola pumba moipangelo yomoitopolwa omo, osho sha eta ovanhu vokomikunda nokoushai va kale itava dulu okupewa ohonde pefimbo, eemwenyo davo di dule okuxupa,” osho a ti ngaho.
Moongo okwa ti luhapu ohonde ihai kala ya wana, ta popi kombinga yomumbwe ya kola yeyambidido lepangelo noikonga yokuyandja omauyelele yopashiwana tai tu ovanhu omukumo va yandje ohonde.
Okwa pula minista kutya omalongekido elipipo e li metifa moministili kukwashilipalekwe kutya oshiwana eshi itashi mono omayakulo aa osha dula okwaa mona.
Moongo okwa weda po kutya ehangano lokwoongela ohonde laNamibia ledina Namibia Blood Transfusion Service ola fimana unene mokuxupifa eemwenyo dOvanamibia vahapu, ashike natango otali twikile nokutaalela omikundu dokumona ohonde oshilongo ashishe.
Okwa ti opelesenda ashike imwe yOvanamibia hai yandje ohonde, ta weda po kutya oshinima eshi ohashi etwa komaudeko apuka ile kokuhena eudeko lomulandu aushe.
Okwa pula kutya oministili oi na po omilandu di li ngahelipi i wedele eyandjo lohonde puhe na efininiko nokukandula po omaudeko apuka a kundukida eyandjo lohonde.
The post Mo||Kharas noHardap kamu na eemungulilo dohonde appeared first on The Namibian.
