Omupresitente a talelepo oontauki oonkulu dhaSwapo
Omupresitente Netumbo Nandi-Ndaitwah mEtitatu okwa talelepo ongundu yaamboka ya li oontawuki dhoSwapo, noya ningi oomwedhi ya yunga ontanda moonto dhoombonge oonene dhongundu yoSwapo moKatutura – mOvenduka. Omupopiliko gwongundu ndjoka, Matheus Nangolo okwa popi kutya omupresitente okwe ya talelepo noku ya pula kutya omolwashike ya yunga oontanda poombelewa oonene dhongundu. “Kandi shi kutya omolwashike omupresitente ti […] The post Omupresitente a talelepo oontauki oonkulu dhaSwapo appeared first on The Namibian.
Black News 
Omupresitente Netumbo Nandi-Ndaitwah mEtitatu okwa talelepo ongundu yaamboka ya li oontawuki dhoSwapo, noya ningi oomwedhi ya yunga ontanda moonto dhoombonge oonene dhongundu yoSwapo moKatutura – mOvenduka.
Omupopiliko gwongundu ndjoka, Matheus Nangolo okwa popi kutya omupresitente okwe ya talelepo noku ya pula kutya omolwashike ya yunga oontanda poombelewa oonene dhongundu.
“Kandi shi kutya omolwashike omupresitente ti ipulitha a fa keeshi kutya omolwashike tuli mpaka,” osho Nangolo a popi ngaaka.
Okwa gwedhapo kutya oya lombwele Nandi-Ndaitwah kutya oontawuki oonkulu inadhi pewa omauwanawa gawo osho wo omakwatho gopashimaliwa ngoka kwa li yu uvanekelwa sho ya galukile moshilongo.
“Itatu zi po nande mpaka.
Otatu kondjele iinima yetu,” osho a popi ngaaka. Okwa popi kutya pethimbo ye li moonkundathana ndhoka, omupresitente ineya pa nande ompito ya manguluka opo ye mu pule omapulo gawo agehe ngoka ya hala ga yamukulwa.
Ongundu ndjoka oya kala ya yunga ontanda poombelewa dhoSwapo okuza muKotoba omumvo gwa zi ko, taya pula omauwanawa gawo ngoka kwa li ye na okupewa ye ga nuninwa okuza kiigwanahangano sho ya zi kombanda.
Nangolo okwa popi kutya okwa lombwele Nandi-Ndaitwah kutya oyu uvithwa nayi koshikumungu shoka noya tokola kutya itaya zi po mpoka manga omakemo gawo inaaga yamukulwa.
“Otandi indile aakondjelimanguluko mboka ya mana okuteya iilya yawo konooli ye tu waimine opo tu dhike ootenda dha kundukidha etungo ndika alihe,” osho a popi ngaaka.
Ongundu ndjoka oya popi kutya oya kala ye ekelwahi okuza nkene ya galukile moNamibia noya popi kutya oya hala okupewa oshimaliwa shawo shoka kwa li yu uvanekelwa pethimbo taya galukile moshilongo.
MuApilili, ongundu yoSwapo okwa li ya ningi eindilo lyomeendelelo mOmpangu yoPombanda taya indile opo ongundu yoontawuki ndhoka yi tidhwe po poombelewa dhongundu, ashike onkambadhala ndjoka okwa li ya ponyo.
The post Omupresitente a talelepo oontauki oonkulu dhaSwapo appeared first on The Namibian.
