Yandja ohonde u xupife eemwenyo
Ehangano lokwoongela ohonde moshilongo ledina Namibia Blood Transfusion Services of Namibia (NamBTS) ola shiivifa Omaandaxa kutya otali ka ninga okakilika kokuyandja ohonde mOkahandja nena. Okilinika otai ka kala mOkahandja Town Hall noi li ombinga yeenghendabala dokutwa ovanhu omukumo va yandje ohonde pefimbo e li lopaasha. Momukanda wokoikundaneki wa shangwa Omaandaxa, NamBTS okwa indila oshiwana shi […] The post Yandja ohonde u xupife eemwenyo appeared first on The Namibian.
Black News 
Ehangano lokwoongela ohonde moshilongo ledina Namibia Blood Transfusion Services of Namibia (NamBTS) ola shiivifa Omaandaxa kutya otali ka ninga okakilika kokuyandja ohonde mOkahandja nena.
Okilinika otai ka kala mOkahandja Town Hall noi li ombinga yeenghendabala dokutwa ovanhu omukumo va yandje ohonde pefimbo e li lopaasha.
Momukanda wokoikundaneki wa shangwa Omaandaxa, NamBTS okwa indila oshiwana shi yandje ohonde, ta yeleke kutya okuyandja ohonde lumwe otaku dulu okuxupifa eemwenyo nhatu.
“Ohatu twikile nokutunga po omukalondjiikilile wopashiwana wokuninga oinima tashi di komutima, ovayandji vohonde itava futwa ndee hatu indile ovo ve na ohonde yoludi lo-O , va yandje ohonde opo i vatele okuxupifa ovanaudu ngaashi oomeme ovo hava kanifa ohonde neenghono pefimbo lokumona ounona, ovanaudu vokaangela novanaudu ovo va ya moiponga i nyanyalifa naavo va pumbwa omatando a yooloka mokati kavakwao,” omukanda osho wa ti ngaho.
Ola yeleka yoo vali kutya nande opu na omiti da xuma, kapu na nande oumwe hau i ponhele yohonde, osho sha ninga okuyandja ohonde ku kale kwa fimana neenghono. “Okuyandja ohonde ihaku kunghundipaleke omunhu. Olutu ohali ningi ohonde oyo ya yandjwa meendelelo, osho tashi vatele olutu li twikile nokulonga nawa.”
Ehangano, ola ti, otali twikile nokuxwaxwameka okuyandja ohonde taku di komutima, ovanhu itava futwa konima va yandja ohonde nokutwa ovanhu ovo tava dulu okuyandja ohonde omukumu ve li pokati komido 16 no70, ve na oshivixa shi fike peekilohalama o-50 nove li moundjolowele uwa, opo va kufe ombinga.
“Waimina ehangano lokuyandja ohonde laNamibia, momwedi wopaasha, pakuya mo, to tonyo ohema yoye ndee to ningi ependafule moshiwana,” omukanda tau ti. –NAMPA
The post Yandja ohonde u xupife eemwenyo appeared first on The Namibian.
