Ovanyasha nava tote oilonga, inavakonga ashike oilonga – Sankwasa
Minista womayambulepo eedoolopa noitopolwa yokomikunda James Sankwasa okwa ti ovanyasha nava longife eewino davo, ounongo nounangeshefa va tote eemhito doilonga ndee tava kufa ombinga meyambulepo laNamibia. Sankwasa omapopyo aa okwe a popya komutumba wovalihongi wehangano lovalihongi laNamibia Etivali, oko a pula ovalihongi vaha kale ashike va tala mokukonga oilonga konima va mana omalihongo avo, ashike […] The post Ovanyasha nava tote oilonga, inavakonga ashike oilonga – Sankwasa appeared first on The Namibian.
Black News 
Minista womayambulepo eedoolopa noitopolwa yokomikunda James Sankwasa okwa ti ovanyasha nava longife eewino davo, ounongo nounangeshefa va tote eemhito doilonga ndee tava kufa ombinga meyambulepo laNamibia.
Sankwasa omapopyo aa okwe a popya komutumba wovalihongi wehangano lovalihongi laNamibia Etivali, oko a pula ovalihongi vaha kale ashike va tala mokukonga oilonga konima va mana omalihongo avo, ashike nava ninge ovatoti veemhito dokuyambula po eliko momidingonoko davo.
Okwa ti ounongo neewino odo da kufwa moiputundilo nadi longifwe okuyambidida eyambukepo loshilongo nokunghonopeka eliko loshilongo.
Sankwasa okwa pula ovanyasha va longe moitopolwa yokomikunda, ta ti omu na eemhito domaduto oinima ipe, deengeshefa nomayambukepo.
“Oitopolwa yokomikunda yaNamibia inai pumbwa okufiwa po, oi ya di eemhito,” osho a ti ngaho.
Minista okwa ti ovanyasha ovo ovaleli, ovaduti voinima novakwatelikomesho ovo tava yukililifa eliko laNamibia nonakwiiwa yopolitika.
“Engudumano eli inali talika ko ashike la fa oshoongalele shongaho shovalihongi, ashike nali kale eongalo lovatoti vomilandu monakwiiwa, ovaduti voinima, ovanangeshefa novakwatelikomesho vonakwiiwa yaNamibia,” osho a ti ngaho.
Okwa indila omahangono ovanyasha nomalutu ovalihongi a longele kumwe nande ee na omaliudo a yooloka.
“Onakwiiwa yaNamibia itai ka tungwa okupitila momatopauko mokati kovanyasha, ashike okupitila moukumwe, efimanekafano nelongelokumwe liwa,” Sankwasa ta ti.
The post Ovanyasha nava tote oilonga, inavakonga ashike oilonga – Sankwasa appeared first on The Namibian.
