Eengeshefa dovanyasha di li 30 mOmusati otadi ka yambididwa pashimaliwa– Shafudah
Eengeshefa dovanyasha di li 30 moshitopolwahoololo shaMusati fiyo opapa oda diminwa di pewe oshimaliwa koshi yoshikefa shopashiwana shomayambulepo ovanyasha. Eshi okwa li sha shiivifwa kuminista woiniwe Ericah Shafudah pefimbo ledimbuluko lEfiku lEmanguluko Olomakaya kOkahao. Shafadah okwa ti oministili yaye oya yandja oshimaliwa shi fike peemiliyona N$257 koshikefa shi yambidide eengeshefa dovanyasha moshilongo ashishe, osho tashi […] The post Eengeshefa dovanyasha di li 30 mOmusati otadi ka yambididwa pashimaliwa– Shafudah appeared first on The Namibian.
Black News 
Eengeshefa dovanyasha di li 30 moshitopolwahoololo shaMusati fiyo opapa oda diminwa di pewe oshimaliwa koshi yoshikefa shopashiwana shomayambulepo ovanyasha.
Eshi okwa li sha shiivifwa kuminista woiniwe Ericah Shafudah pefimbo ledimbuluko lEfiku lEmanguluko Olomakaya kOkahao.
Shafadah okwa ti oministili yaye oya yandja oshimaliwa shi fike peemiliyona N$257 koshikefa shi yambidide eengeshefa dovanyasha moshilongo ashishe, osho tashi va totele ondjila va dule okuya komesho monakwiiwa.
Okwa popya yoo vali kombinga yoinima ipe oyo i li metifa i nghonopeke onghalo yoikulya ya wana nounamapya nounaimuna moshitopolwahoololo.
“Epangelo ole litula mo mokuyambidida ovanafaalama vashona moshitopolwahoololo.
Eenghendabala dokuwedela opoloyeka yoshikunino shEtunda oda nuninwa oku shi ninga onhele yaalushe yokulonga oikulya yoshitopolwahoololo eshi shiwa.
Natango, onhele youlifilo oyo tai ka yambidida eengobe di li lwopo1 000, otai tungwa kEtunda,” Shafudah ta ti.
Okwa weda po kutya omafaneko okuwedela okanala kEtaka nUuvudhiya opo pa kale pu na omeva awana ounafaalama noimuna ee li metifa, omanga onhele yokulonga omatama ya fanekwa i ningwe kOmahenene moshikandjohoololo shaNesi opo kuha kalwe vali taku landwa oinima ei kondje yoshilongo.
Kombinga yehongo neyambulepo leewino, Shafudah okwa ti epangelo otali faneke okuyambula po endiki lokOgongo noNakayale Vocational Training Centre, osho tashi vatele ovanyasha va mone eewino da yooloka.
Shafudah okwa popya kutya ondjila yemanguluko leliko natango oile ndee oya pumbwa oukumwe nelongelokumwe la fa olo la li mekondjelo manguluko laNamibia.
-NAMPA
The post Eengeshefa dovanyasha di li 30 mOmusati otadi ka yambididwa pashimaliwa– Shafudah appeared first on The Namibian.
.png)
