Ovakondjeli manguluko va pewa omutengenekwafaneko wobiliyona oshinghwanyu nhatu
Opo ku kwashilipalekwe kutya opendjela yovakondjeli manguluko yokomwedi oya twikila, obiliyona oshinghwanyu nhatu oya yandja i yambidide onghalonawa yavo momudo woshimaliwa 2026/27. Eshi okwa li sha shiivifwa komupedu minista wetanga leameno noipambele yoonakulwa vakulu Charles Mubita Omaandaxa manga kwa li ta popile omutengenekwafaneko momutumba wopashiwana. “Koshi yopolohalama ei, omayambidido opanghalafano, opaunamiti, omayambulepo oonakulwa vakulu neependjela […] The post Ovakondjeli manguluko va pewa omutengenekwafaneko wobiliyona oshinghwanyu nhatu appeared first on The Namibian.
Black News 
Opo ku kwashilipalekwe kutya opendjela yovakondjeli manguluko yokomwedi oya twikila, obiliyona oshinghwanyu nhatu oya yandja i yambidide onghalonawa yavo momudo woshimaliwa 2026/27.
Eshi okwa li sha shiivifwa komupedu minista wetanga leameno noipambele yoonakulwa vakulu Charles Mubita Omaandaxa manga kwa li ta popile omutengenekwafaneko momutumba wopashiwana.
“Koshi yopolohalama ei, omayambidido opanghalafano, opaunamiti, omayambulepo oonakulwa vakulu neependjela dokomwedi neepoloyeka doonakulwa vakulu otadi ka kwatelwa mo,” osho a ti ngaho.
Opolohalama yondjokonona yekondjelo manguluko, oyo ya pewa oshimaliwa shi fike peemiliyona di li N$13, oyo kukwashilipaleka kutya ondjokonona yekondjelo manguluko oya kalekwa po, osho a ti ngaho.
Koshi yopolohalama ei, nomafudiko oonakulwa vakulu aa kwatelwa mo, nosho yo okudidilika eenhele da fimana dondjokonona, nokuninga nokudidilika omaendo.
Mubita okwa ti epangelo otali twikile nokufimaneka ovakondjeli manguluko nokuyambula po eenghalamwenyo davo nomaxupilo molwekufombinga lavo linene mekondjelo manguluko loshilongo.
Momudo woshimaliwa 2025/26, ovakondjeli manguluko okwa li va pewa omutengenekwafaneko womiliyona oshinghwanyu nhano, eepelesenda di li 94.16 doshimaliwa eshi, okwa li da longifwa po.
“Oimaliwa ihapu yomutengenekwafaneko ou okwa li ya longifwa meependjela dokomwedi dovakondjeli manguluko.
Obiliyona imwe okwa li ya longifwa momayakulo opashimaliwa, a pewa ovakondjeli manguluko ve li 23 694 fiyo omuMaalisa 2026.
Omwaalu ou, ou lile po eepelesenda 64.41 domutengenekwafaneko,” Mubita ta ti.
The post Ovakondjeli manguluko va pewa omutengenekwafaneko wobiliyona oshinghwanyu nhatu appeared first on The Namibian.
