Ovanailonga voundjolowele va pewa omidjalo hewa konima yomido 15
Oministili youndjolowele nomayakulo opanghalafano oya yandja omidjalo dipe kovanailongo voundjolowele ve dulife po15 700 moshilongo ashishe, osho shi li shotete tava pewa omindjalo konima yomido 15. Oshinima eshi osha ningilwa kOtjiwarongo Omaandaxa, oko minista woundjolowele Esperance Luvindao a ti osha kala sha teelelika nale moshikondo shoundjolowele. “Oule womido 15, eyandjo lomidjalo dovanailonga vetu voundjolowele ola […] The post Ovanailonga voundjolowele va pewa omidjalo hewa konima yomido 15 appeared first on The Namibian.
Black News 
Oministili youndjolowele nomayakulo opanghalafano oya yandja omidjalo dipe kovanailongo voundjolowele ve dulife po15 700 moshilongo ashishe, osho shi li shotete tava pewa omindjalo konima yomido 15.
Oshinima eshi osha ningilwa kOtjiwarongo Omaandaxa, oko minista woundjolowele Esperance Luvindao a ti osha kala sha teelelika nale moshikondo shoundjolowele.
“Oule womido 15, eyandjo lomidjalo dovanailonga vetu voundjolowele ola kala lihe wetike, nena osho osha lunduluka,” osho a ti ngaho.
Omulandu ou owa tameka odula ya dja ko melongelokumwe nehangano ledina August 26 Manufacturing Pty (Ltd).
Okupitila moshimaliwa shi fike peemiliyona N$55.8, oministili oya landa omidjalo dovapangi di li 11 504 nomandjafa eendokotola novanailonga vomeefaamashi di li 4 283, da pewa ovanailonga voundjolowele oshilongo ashishe.
Luvindao okwa ti omidjalo doilonga odi lile po oinima ihapu kashi fi ashike oikutu.”
“Omidjalo edi, odo mwa djala netumba paife, kadi fi ashike oikutu neengodi. Edidiliko li na eenghono. Otadi holola elitulemo, etumba noukwatya umwe moshikondo shaNamibia shoundjolowele,” osho a ti ngaho.
Minista okwa ti okuyandja omidjalo doilonga kashi fi efuu, ashike oshinima sha fimana mokunghonopeka osystema youndjolowele yoshilongo.
Okwa ti ovanailonga voundjolowele nave lipake mo moilonga, omikalo nokufila ovanaudu oshimwiyu.
“Natu longeni twe lipaka mo moilonga yetu, hatu kalele po oilonga yetu nosho yo natu kale tu na elitulemo mokuyandja omayakulo opaundjolowele e na ongushu. Konima yaaishe, natu kwashilipaleke kutya omunaudu oye oshinima shotete mwaaishe oyo hatu ningi,” osho a ti ngaho.
The post Ovanailonga voundjolowele va pewa omidjalo hewa konima yomido 15 appeared first on The Namibian.
