Pwilikineni omalombwelo ovatonateli veni – /Goagoses
Ngoloneya woshitopolwahoololo shErongo Natalia /Goagoses okwa londwela ovanailonga vepangelo moshitopolwahoololo vaha kale inava hala okupwilikina kovatonateli vavo nokulongifa nai eeveta doipambele yoilonga mokati keenamanana meenhele doilonga odo tadi dulu okukateka eyandjo lomayakulo. Elondwelo eli okwa li la yandjwa Etine moshoongalele shovanailonga vepangelo moshitopolwahoololo kwa li sha ningilwa koSwakopmund Etivali. Eshi kwa li ta popi novaleli […] The post Pwilikineni omalombwelo ovatonateli veni – /Goagoses appeared first on The Namibian.
Black News 
Ngoloneya woshitopolwahoololo shErongo Natalia /Goagoses okwa londwela ovanailonga vepangelo moshitopolwahoololo vaha kale inava hala okupwilikina kovatonateli vavo nokulongifa nai eeveta doipambele yoilonga mokati keenamanana meenhele doilonga odo tadi dulu okukateka eyandjo lomayakulo.
Elondwelo eli okwa li la yandjwa Etine moshoongalele shovanailonga vepangelo moshitopolwahoololo kwa li sha ningilwa koSwakopmund Etivali.
Eshi kwa li ta popi novaleli vopapolitika novambelewa, /Goagoses okwa ti itaku ke lididimikilwa vali omukalondjiikilile wokwaanya omalombwelo taa di “kovatonateli va ulikwa paveta” mewiliko loshitopolwahoololo, omawiliko eedoolopa nomahangano epangelo.
Okwa ti kutya ovanailonga vamwe ove na oshinima shokutya “opo wa hanga nge apa, ndee opo to fiye nge”, osho a ti kutya okushiipweela eenghono domahangano.
Ngoloneya natango okwa yandja oushima kovakalelipo vovanailonga meenhele doilonga, ta ti eenghono davo otadi longifwa unene papuko nokutilifa ovaleli va ulikwa, ovatonateli novanambelewa ovo va hoololwa ponhele yokuvatela okuyelifa eeveta doilonga nomilandu.
“Kashi li nawa okulongifa okatendo koipambele yoilonga papuko okuningila ovaleli va hoololwa omatilifo,” osho a ti ngaho.
Omunashipundi weliko loshitopolwahoololo shErongo Lazarus Kanelombe okwa pula omahangno aeshe moshitopolwahoololo a longe pauyuki, ta ti omaliumbato awa nelitulemo moilonga aa fimana meyandjo lomayakulo.
“Oshiwana shetu osha teelela oidjemo, ndee ihashi tu yeleke pamafaneko ile oyoongalele, ashike opailonga i li wetikile,” Kanelombe osho a ti ngaho.
The post Pwilikineni omalombwelo ovatonateli veni – /Goagoses appeared first on The Namibian.
