Omukalo wokuyandja eekota deeshi nau konakonwe – April
Osheetwapo tashi lalakanene okukonakona oshikondo shokuyandja eekota deeshi shaNamibia osha tulwa poshitaafula mopaliamente. Eshi oshe ya mokati komalimbililo taa ningi ahapu kutya eedjo domefuta doshilongo otadi liwa ashike koohandimwe omanga ovakwashiwana vahapu tava twikile nokumona oixuna. Osheetwapo, sha etwa komunapaliamente woSwapo Salomon April Etitatu, osha mona eyambidido leengudu domilameno, novatotiveta vamwe okwa li tava ingida: […] The post Omukalo wokuyandja eekota deeshi nau konakonwe – April appeared first on The Namibian.
Black News 
Osheetwapo tashi lalakanene okukonakona oshikondo shokuyandja eekota deeshi shaNamibia osha tulwa poshitaafula mopaliamente.
Eshi oshe ya mokati komalimbililo taa ningi ahapu kutya eedjo domefuta doshilongo otadi liwa ashike koohandimwe omanga ovakwashiwana vahapu tava twikile nokumona oixuna.
Osheetwapo, sha etwa komunapaliamente woSwapo Salomon April Etitatu, osha mona eyambidido leengudu domilameno, novatotiveta vamwe okwa li tava ingida: “Umwe paife oku li ominge noohailwa hewa.”
April okwa ti oshikumungu eshi oshi mu li komutima ndee ta pula opaliamente i konakone nawa oshikondo shokuyandja eekota.
“Oohandimwe ava otave liyambapaleke ashike manga ovanhu vahapu tava mono oixuna, oshiwana tashi mono oixuna yopanghalafano nopamaxupilo,” osho a ti ngaho.
Oshikundafanwa eshi oshe ya pefimbo oshikondo sheeshi shaNamibia tashi pewa omaushima, eshi eeshi da ninga mo dishona mefuta, omikalo dokuyandja eekota da kilikita nomapopyo kutya otadi yandjwa papolitika.
Eelopota domafiku aa oda holola kutya eshunopedu lokukwata eeshi ola eta ekanifo loilonga moshikondo, omanga ondado yeeshi ya ya pombada, osho tashi twike vali ovalandi omukundu wa wedwa po.
Oshikondo shepangelo shokulandifa eekota nasho otashi nyikwaanyikwa, novandjadjukununi otava ti kutya oshi li ashike mouwa waavo ve na oshimaliwa omanga sha patela kondje ovanangeshefa vomoshilongo vaha kufe ombinga.
Oulingilingi woFishrot owa xwaxwameka vali omapulo elongo lopauyelele nekalelepo loinima lakola mewiliko loshikondo sheeshi shaNamibia.
Oshikundafanwa eshi osha teelelika shi ka patane ngee oshikondo shokuyandja eekota otashi longo ngaa mouwa woshiwana ile otashi yandje ashike omauwa kovandjeko.
The post Omukalo wokuyandja eekota deeshi nau konakonwe – April appeared first on The Namibian.
