Omulumenhu oo tatamanekelwa edipayo lomukainhu kOtjiwarongo a mangwa po
Omutamanekwa medipayo lomukainhu kOtjiwarongo Omaandaxa okwa mangwa po mOvenduka Omaandaxa. Omuunganeki womakonakono oimbuluma yopolifi yaNamibia moshitopolwahoololo shaTjozondjupa, omupedu komisina Edna Nawa, onghela okwa koleka ekwatepo eli, ta ti omufeekelwa omunamido 18 okwa li e shiivike kunakufya. Nakufya, omunamido 57 Petronella Sabath, okwa li nale ha longo pofikola yedina Karundu Primary School. Okwa li a ponokelwa […] The post Omulumenhu oo tatamanekelwa edipayo lomukainhu kOtjiwarongo a mangwa po appeared first on The Namibian.
Black News 
Omutamanekwa medipayo lomukainhu kOtjiwarongo Omaandaxa okwa mangwa po mOvenduka Omaandaxa.
Omuunganeki womakonakono oimbuluma yopolifi yaNamibia moshitopolwahoololo shaTjozondjupa, omupedu komisina Edna Nawa, onghela okwa koleka ekwatepo eli, ta ti omufeekelwa omunamido 18 okwa li e shiivike kunakufya.
Nakufya, omunamido 57 Petronella Sabath, okwa li nale ha longo pofikola yedina Karundu Primary School.
Okwa li a ponokelwa nekuva nombele meumbo laye molukada hali ifanwa Etambi.
“Otwa mona oipute ya ya moule momutwe waye noipute ihapu a tuwa moshipala.
Ekuva li na ohonde nombele okwa li ya hangika poshiningwanima. Omufeekelwa okwa faduka po,” Nawa osho a ti ngaho.
Olutu laSabatha okwa li la monika lwopotundi 14h00 Omaandaxa kounona eshi va aluka kofikola, Nawa osho a ti ngaho.
Omufeekelwa okwa li a mangwa po Omaandaxa konguloshi.
Molwoshiponga osho a mona pefimbo loshiningwanima okwa li tete a ka pangwa koshipangelo mOvenduka e li koshi yetonatelo lopolifi manga ina twalwa kOtjiwarongo.
Okwa teelelika a holoke lwotete momhangu oshivike eshi.
Moshiningwanima sha yooloka koGrootfontein, Nawa okwa ti omulumenhu, womido dihe shiivike, okwa li vati a tuwa fiyo ta xulifa lwopotundi 22h00 Omaandaxa.
“Nakufya nomufeekelwa okwa li va monika onguloshi yOmaandaxa ve li pamwe mondingosho moGrootfontein,” omunambelewa wopolifi osho a ti ngaho.
Otaku tiwa vati onguloshi oyo tuu oyo, omufeekelwa omunamido 42 okwa landula nakufya keumbo laye koKap en Bou, ndee te mu tu nombele monhulo.
Omufeekelwa, oo e shiivike kopolifi, okwa faduka po nokakwa li a mangwa po natango.
Omakonakono opolifi otaa twikile.
-NAMPA
The post Omulumenhu oo tatamanekelwa edipayo lomukainhu kOtjiwarongo a mangwa po appeared first on The Namibian.
.png)
