MTC a udaneka okuyandja oshimaliwa koshoongalele shomauyelele nomakwatafano opaungoba
Ehangano lomakwatafano opamhepo ledina Mobile Telecommunications Limited (MTC) ola udaneka okuyandja oshimaliwa shi fike poN$110 000 koshoongalele oshitimuwoi shomauyelele nomakwatafano opaungoba. Oshoongalele shomauyelele nomakwatafano opaungoba, osho hashi ningwa koministeli yomauyelele nomakwatafano opaungoba, otashi ka kala kOngwediva okudja momafiku 12 fiyo 16 Oktoba. Momukanda wa shangwa Omaandaxa, MTC okwa ti ekwashilipaleko ola shiivifwa komesho yoshoongalele eshi, […] The post MTC a udaneka okuyandja oshimaliwa koshoongalele shomauyelele nomakwatafano opaungoba appeared first on The Namibian.
Black News 
Ehangano lomakwatafano opamhepo ledina Mobile Telecommunications Limited (MTC) ola udaneka okuyandja oshimaliwa shi fike poN$110 000 koshoongalele oshitimuwoi shomauyelele nomakwatafano opaungoba.
Oshoongalele shomauyelele nomakwatafano opaungoba, osho hashi ningwa koministeli yomauyelele nomakwatafano opaungoba, otashi ka kala kOngwediva okudja momafiku 12 fiyo 16 Oktoba.
Momukanda wa shangwa Omaandaxa, MTC okwa ti ekwashilipaleko ola shiivifwa komesho yoshoongalele eshi, osho sha talika ko ongomhito yeenghundafana kombinga yokuukililifa onakwiiwa yoshikondo shomauyelele nomakwatafano opaungoba.
Kombinga yekwashilipaleko loovene, omupopiliko woMTC Erasmus Nekundi okwa ti ehangano natango ole litula mo mokuyambidida oinima oyo tai xwaxwameke omaduto oinima, ekwatelemo lopaungoba nokupaafana eewino moshikondo shopaungoba.
“MTC ota twikile nokunghonopeka elongelokumwe lopamufika nokutota eemhito delongelokumwe moshikondo opo tu yambidide oikumungu yoshikondo shopaungoba,” osho a weda po ngaho.
Oshoongalele neudo otashi ka ningilwa koshitopolwahoololo shaShana koshi yoshipalanyole ‘Harnessing ICT for Inclusive Growth, Digital Pathways to Reduce Unemployment and Eradicate Poverty.’
Omukanda waMTC owa popya yo kutya oshivilo osha teelelika shi ongaleke ovaleli moshikondo omu, ovatotiveta, ovanangeshefa novaholi voungoba va kundafane oikumungu i na sha neyokomesho lopaungoba nomaduto oinima moNamibia.
The post MTC a udaneka okuyandja oshimaliwa koshoongalele shomauyelele nomakwatafano opaungoba appeared first on The Namibian.
