Ballotti okwa udaneka okutalela po eefikola inashi shiivifwa
Omupedu minista wehongo, omaduto oinima ipe, ovanyasha, omaudano, omaunghulungu nomifyuululwakalo Dino Ballotti okwa udaneka kutya ota ka kala nokutalela po eefikola oshilongo ashishe a kwashilipaleke nokunghonopeka ekalelepo loinima neyambidido la fimana lovahongifikola. Eshi kwa li ta popi peyandjo lomapapa ovahongifikola mOvenduka Etine, Ballotti okwa ti omatalelepo aye itaa ka shiivifwa oo natango itaa ka ningilwa […] The post Ballotti okwa udaneka okutalela po eefikola inashi shiivifwa appeared first on The Namibian.
Black News 
Omupedu minista wehongo, omaduto oinima ipe, ovanyasha, omaudano, omaunghulungu nomifyuululwakalo Dino Ballotti okwa udaneka kutya ota ka kala nokutalela po eefikola oshilongo ashishe a kwashilipaleke nokunghonopeka ekalelepo loinima neyambidido la fimana lovahongifikola.
Eshi kwa li ta popi peyandjo lomapapa ovahongifikola mOvenduka Etine, Ballotti okwa ti omatalelepo aye itaa ka shiivifwa oo natango itaa ka ningilwa oivilo, ashike otaa lalakanene okuweda ongushu meefikola nomokati kovahongifikola.
“Ohandi ka talela po eefikola adishe ndee etalelepo lange itali ka shiivifwa. Oto ka mona nge ashike potundi 06h50,” osho a ti ngaho.
Elalakano, okwa ti, okukundafana meyukililo novahongifikola nounona opo a pwilikine omaupyakadi oo ve na.
“Ondi wete kutya moshitopolwahoololo shaKhomas omu na oikwafifohongo okuyelakanifa noitopolwahoololo ikwao,” osho a ti ngaho.
Omupedu minista okwa indila ovahongifikola va kale ve na omukumo, nande ovanailonga pamwe navo vamwe itave shi endifa nawa.
“Inamu teka omukumo ngee mushiinda shoye ita longo nelitulemo ngaashi ove. Inandi hala oshinima osho shi mu teye omukumo,” Ballotti osho a ti ngaho.
Okwa weda po kutya oitwa kai na sha noukwatya womunhu.
Omukulunhu wehongo moshitopolwahoololo shaKhomas Paulus Nghikembua naye okwa popya oshinima sha faafana, ta ti kutya ombelewa yehongo otai ka tameka okutalela po eefikola da hoololwa i nghonopeke ekalelepo loinima.
Eefikola odo da hoololwa mo otadi ka pulwa di kalele po oidjemo yehongo lado, omanga yoo tadi ka mona omayambidido di yambuke po opo sha pumbiwa.
Nghikembua okwa ti eyandjo lomapapa oshinima sha fimana.
“Eshi efimaneko lelitulemo nelongo noudiinini la hololwa keefikola, ovahongifikola novanafikola,” Nghikembua osho a ti ngaho.
The post Ballotti okwa udaneka okutalela po eefikola inashi shiivifwa appeared first on The Namibian.
