Omutamanekwa omutivali moshipofa sheningilo lomutamaneki omatilifo a kalekwa mokakuma
Omutamanekwa omutivali moshipofa shoshimbuluma shokuningila omutamaneki Kristiana Erastus omatilifo efyo okwa li a wedwa moihokolola pambelewa momhangu yamangestrata moGrootfontein Etivali nokwa kalekwa mokakuma fiyo kwa ningwa eindilo lobooloha. Omutamanekwa, Kefas Hoaeb, okwa li a holoka komesho yamangestrata Bornface Konga, omo omhangu ya koleka kutya okwa waimina oshipofa sha kwatela mo omutamanekwa wotete Efraim Tsibeb. Ovatamanekwa […] The post Omutamanekwa omutivali moshipofa sheningilo lomutamaneki omatilifo a kalekwa mokakuma appeared first on The Namibian.
Black News 
Omutamanekwa omutivali moshipofa shoshimbuluma shokuningila omutamaneki Kristiana Erastus omatilifo efyo okwa li a wedwa moihokolola pambelewa momhangu yamangestrata moGrootfontein Etivali nokwa kalekwa mokakuma fiyo kwa ningwa eindilo lobooloha.
Omutamanekwa, Kefas Hoaeb, okwa li a holoka komesho yamangestrata Bornface Konga, omo omhangu ya koleka kutya okwa waimina oshipofa sha kwatela mo omutamanekwa wotete Efraim Tsibeb.
Ovatamanekwa ava vavali okwa li va mangwa po eshi vati va ninga omatilifo okudipaya Erastus noku mu lombwela e likufe mo moshipofa nongee hasho otave mu ponokele.
Epangelo ola anya Hoaeb a pewe obooloha pefimbo loihokolola momhangu Etivali.
“Ohatu ka kondjifa obooloha yomutamanekwa molwouwa woshiwana nouyuki kutya otashi dulika a ka piyaaneke eembangi.
Molwounene woshimbuluma, omutamanekwa otashi dulika a tule eameno lovanhu vamwe moshiponga ile lanakutula mo oshipofa,” omutamaneki Oscar Sinvula osho a ti ngaho.
Hoaeb okwa li a kalelwa po kuhaende Murray Shikongo, oo a koleka eholoko laye pamalombwelo opaumwene ndee ta holola kutya omutamanekwa okwa hala okuninga eindilo lobooloha.
Shikongo okwa indila opo oshipofa shi undulilwe komesho opo va longekide eindilo nokupitika omutamanekwa a wanife po oufemba waye wokuninga eindilo lobooloha.
Omutamaneki okwa itavela shi undulilwe komesho opo eembangi adishe mbali di lilongekide.
Mangestrata Konga okwa pula Hoaeb a kalekwe mokakuma moGrootfontein fiyo ta ka holoka vali komhangu.
Oshipofa okwa li sha undulilwa kEtitatu opo omhangu i tokole osho shi na okuningwa po kombinga yeindilo lobooloha olo la fanekwa.
Hoaeb oku li mokakuma manga oshipofa tashi twikile.
The post Omutamanekwa omutivali moshipofa sheningilo lomutamaneki omatilifo a kalekwa mokakuma appeared first on The Namibian.
